Plantun de Prouvènço

Pèr coumpara dos planto d'encò nostre

Ononis spinosa subsp. procurrens & Abies pinsapo

Estanco-biòu

Ononis spinosa subsp. procurrens

Fabaceae Leguminosae

Àutri noum : Tanco-biòu, Restanco-biòu, Avagoun, Ajagoun, Lènte.

Nom en français : Bugrane épineuse.

Descripcioun :
L'estanco-biòu presenta aqui, de la subsp. procurrens, trachis au nostre dins li relarg un pau mai umide e mountagnous que la meno antiquorum. Ié sèmblo de segur proun, mai es uno planto mai grando, un pau couchado, mens (o pas) espinouso e cuberto de péu pu long que 1 mm sus la tijo e regulié (fotò). Apoundèn que la cambo porto mai de flour e fai pas lou zigue-zague au contro de sa cousino.

Usanço :
De regarda à Ononis spinosa subsp. antiquorum que li prouprieta soun li memo.

Port : Pichoto planto lignouso
Taio : 20 à 60 cm
Fueio : coumpausado
Tipe bioulougico : Camefite
Cicle bioulougico : Planto renadivo

Gènre : Ononis
Famiho : Fabaceae
Famiho classico : Leguminosae

Ordre : Fabales

Coulour de la flour : Roso
Petalo : irreguliero
Ø (o loungour) flour : 12 à 15 mm
Flourido : Printèms - Estiéu

Sòu : Ca
Autour basso e auto : 0 à 1700 m
Aparado : Noun
Mai à setèmbre

Liò : Prado - Camin - Ermas
Estànci : Termoumediterran à Subremediterran
Couroulougi : Éuroupenco
Ref. sc. : Ononis spinosa subsp. procurrens (Wallr.) Briq., 1913

Sapin(-d'Andalousìo)

Abies pinsapo

Pinaceae

Àutri noum : Sap, Sapino, Sapi, Abet.

Noms en français : Sapin d'Andalousie, Pinsapo.

Descripcioun :
Lou sapin-d'Andalousìo trachis naturalamen en Espagno e au Marrò. Au nostre es esta planta pèr lou rebouscage. Sèmblo à nosto sapino, Abies alba, pamens li fueio soun estacado tout à l'entour de la ramo coume uno brosso o un escoubihoun dóu meme biais que la serento. Lou bout di fueio soun un pau pougnènt e li bourroun resinous. Coumpara emé lou sapin dóu nostre e emé la serento que li pigno pendoulon.

Usanço :
Dèu agué li mémis usanço que la sapino.